HOME | Syntipas: Previous Page - Next Page
Πίθηξ καὶ ἁλιεύς
The Monkey and the Fishing Net =
Perry 203 (English translation:
Oxford Aesop 337)
Ἀνήρ τις ἁλιεὺς παρὰ την θάλασσαν ἄγραν ἰχθύων ἐποίει. πίθηξ δέ τις αὐτὸν κατιδὼν ἐκμιμήσασθαι ἠβουλήθη. τοῦ δὲ ἀνδρὸς ἀποβάντος ἔν τινι σπηλαίῳ ἐπὶ τῷ διαναπαύσασθαι, τὸ δὲ δίκτυον παρὰ τὴν ἠϊόνα καταλιπόντος, ἐλθὼν ὁ πίθηξ καὶ τοῦ δικτύου λαβόμενος ἀγρεῦσαι δῆθεν δι’ αὐτοῦ ἐπεχείρει. ἀγνώστως δὲ τῇ τέχνῃ καὶ ἀσυντάκτως χρώμενος, καὶ τῷ δικτύῳ περισχεθείς, ἐπὶ τῆς θαλάσσης εὐθὺς πέπτωκε καὶ ἀπεπνίγη. ὁ δὲ ἁλιεὺς καταλαβὼν αὐτὸν ἤδη ἀποπνιγέντα ἔφη “ὦ ἄθλιε, ὤλεσέ σε ἡ ἀφροσύνη σου καὶ ἡ ματαία ἐπίνοια.”
Οὗτος δηλοῖ ὡς οἱ τὰ ὑπὲρ αὐτοὺς μιμεῖσθαι πειρώμενοι, ἑαυτοῖς ἐντεῦθεν ἐπάγουσι κίνδυνον.
From Ben Perry’s Aesopica (Urbana IL: 1952).
Segmented text for easier reading:
Ἀνήρ τις
ἁλιεὺς
παρὰ την θάλασσαν
ἄγραν ἰχθύων ἐποίει.
πίθηξ δέ τις
αὐτὸν κατιδὼν
ἐκμιμήσασθαι ἠβουλήθη.
τοῦ δὲ ἀνδρὸς ἀποβάντος
ἔν τινι σπηλαίῳ
ἐπὶ τῷ διαναπαύσασθαι,
τὸ δὲ δίκτυον
παρὰ τὴν ἠϊόνα
καταλιπόντος,
ἐλθὼν ὁ πίθηξ
καὶ τοῦ δικτύου λαβόμενος
ἀγρεῦσαι δῆθεν
δι’ αὐτοῦ ἐπεχείρει.
ἀγνώστως δὲ τῇ τέχνῃ
καὶ ἀσυντάκτως χρώμενος,
καὶ τῷ δικτύῳ περισχεθείς,
ἐπὶ τῆς θαλάσσης
εὐθὺς
πέπτωκε καὶ ἀπεπνίγη.
ὁ δὲ ἁλιεὺς
καταλαβὼν αὐτὸν
ἤδη ἀποπνιγέντα
ἔφη
“ὦ ἄθλιε,
ὤλεσέ σε
ἡ ἀφροσύνη σου
καὶ ἡ ματαία ἐπίνοια.”
Οὗτος δηλοῖ ὡς
οἱ τὰ ὑπὲρ αὐτοὺς μιμεῖσθαι πειρώμενοι,
ἑαυτοῖς ἐντεῦθεν ἐπάγουσι κίνδυνον.
Grammatical notes and comments:
Comments (0)
You don't have permission to comment on this page.